Hopp til hovedinnhold

Teknologi- og industrifag

mobbåt øvelse

Teknologi- og industrifag er ei yrkesfagleg utdanning. Her kan du mellom anna lære meir om maskinar, produksjonsprosessar, automatisering og programmering av robotar. Etter 2 år i skule kan du søkje om læreplass for å ta fagbrev. Du kan også ta påbygging til generell studiekompetanse før eller etter læretida.

Kvifor velje Teknikk og industriell produksjon:

Moderne samfunnsliv er utenkjeleg utan programfaget teknikk- og industriell produksjon.  Heile den industrielle sivilisasjonen er bygd opp av fagfolk som stadig har utvikla og betra reiskapane, hjelpemidla og daglegvarene våre.  I kvardagen møter vi mekaniske produkt overalt: uret, radioane, komfyren, kjøleskåpet og bilen.

Bruk piltastene til å bla i bildene

Vg1 Teknikk og industriell produksjon.
Du som vel ei utdanning innanfor dette programfaget, må lære å meistre metodane i faga, verktøy og reiskapar, maskiner og måleinstrument, teknisk teikning.  Dette utstyret blir nytta til å utføre mange oppgåver: å dreie, frese, bore, kappe, skjere, klinke, sveise eller lodde.

Om eitt av yrkesfaga er "Kongen" over andre fag, må det vere dette faget.

Teknikk- og industriell produksjonsfag opnar opp for nærare 60 ulike yrke, alt frå industrimekanikar, verktøymakar, platearbeidar, materiale administrasjon, matros og motormann, til det å verte yrkessjåfør.

Utdanninga er krevjande og svært interessant, og gir godt grunnlag for arbeid i framtida.

Opplæringa fører frem til fagbrev, og du kan ta vidare utdanning som fører fram til teknisk fagskule og ingeniørhøgskule.

Vg2 Maritime fag - byggjer på vg1 TIF eller vg1 Elektrofag:

Ynskjer du å starte ein spanande maritim karriere på havet, anten i styrhuset eller maskina?
Då er dette linja for deg!

Kva retning ønskjer du å gå vidare med?

Før skulestart – eller seinast i løpet av dei første vekene – bør du tenkje gjennom om du ønskjer å gå vidare mot læretid som matros eller skipsmotormekanikar. Begge yrka er viktige om bord på eit skip, men arbeidsoppgåvene og arbeidsmiljøet er ulike.

Matros

Som matroslærling jobbar du hovudsakleg på dekk og er med på den daglege drifta av skipet.

Arbeidsoppgåver kan vere:

  • fortøying og lasting
  • vedlikehald av skipet
  • vakthald
  • navigasjonshjelp
  • sikkerheitsarbeid om bord

Dette passar for deg som likar praktisk arbeid ute på dekk og ønskjer å arbeide med drift og trygg seglas.

Etter vidare utdanning og erfaring kan du arbeide vidare mot sertifikat som styrmann og seinare kaptein.

Skipsmotormekanikar

Som skipsmotormekanikar jobbar du i maskinrommet med motorar og tekniske system.

Arbeidsoppgåver kan vere:

  • vakthald i maskinrommet
  • drift av motorar og teknisk utstyr
  • vedlikehald og reparasjon
  • feilsøking på tekniske system

Dette passar for deg som er interessert i motorar, mekanikk og teknisk arbeid.

Etter vidare utdanning og erfaring kan du arbeide vidare mot sertifikat som maskinist og seinare maskinsjef.

 
 

Etter vg2 maritime fag kan du reise om bord i lære som matros eller motormann på mange forskjellige typar farty som for eksempel; fraktebåt, ferje/cruisebåt, tankbåt, offshorefarty, brønnbåt eller slepebåt.
Kanskje du ser for deg ein karriere i Kystvakta? Forsvaret rekrutterer lærlingar som har gjennomførst vg2 maritime fag, og skulen samarbeider med forsvaret når det gjeld utplassering av elevar i løpet av skuleåret!

Etter avlagt fagbrev kan du søkje studieplass ved teknisk fagskule maritim fagretning - fordjuping til dekkoffiser eller fordjuping til maskinoffiser.

 NB!
Etter fullført vg2 maritime fag (anten motormann eller matros), 2 år i lære om bord på skip og 2 års teknisk fagskule, kan du løyse eit av verdas høgaste maritime sertifikat, anten sjøkaptein (D1) eller maskinsjef (M1).

Ta kontakt med oss

Vil du vite meir?